بسم الله
 |
| my crochet |
اليوم بابدأ الدروس الاساسية لتعلم الكروشية، والصور والفيديوهات اخذتها من النت لكن بحط معلوماتي انا كمبتدئة واللي تحتاج مساعدة بتشرف بمساعدتها
اولا الخيط المفضل للي بتتعلم الكروشية من البداية هو ١٠٠٪ اكريليك، تلاقينه عند محلات الخياطة ٥-٦ ريال مو اكثر، وكمان موجود عند ابو ريالين
الافضل اللون الفاتح مو غااامق مرة ولا ابيض
الابرة هي بهالشكل، والمقاس انا افضل ٦ مع الاكريليك المتين و٤ مع الاكريليك الانحف
نبدأ مع الاساس في العمل وهي العقدة على الابرة
والعقدة ماتنحسب ضمن السلسلة
وهنا السلسلة واسمها بالانجليزي chain
واذا كنا بنشتغل قبعة والا اي شي دائري بنحتاج نسوي غرزة منزلقة وبالانجليش slip stitch
والحين نبدأ بالغرز
واليوم fنتعلم غرزتين هم الاساسيات في اغلب الاعمال
١- غرزة الحشو single crochet
٢- غرزة العمود بلفة double crochet
١- غرزة الحشو single crochet
نبدأ الشغل من الغرزة الاولى جنب الابرة
ندخل الابرة ونسحب خيط للخارج ونرجع نسحب خيط ونطلعه من الخيطين
ونعيد الغرز للاخير.. ولما نحتاج ننتقل للسطر الثاني نسوي غرزة ونشتغل من الغرزة اللي جنبها
٢- غرزة العمود بلفة double crochet
نبدأ الشغل من رابع غرزة من الابرة
ناخذ خيط وندخله في الغرزة ونسحب خيط من جديد نطلعه من الخيطين الاولات
نسحب خيط مرة ثانية وندخله مع الخيطين الاخيرات
وهنا لو حبيتي تشتغلين(مجموعة اقتراحات للبداية)
هنا اول زهرة سويتها ولها طبقات..
شغلها سهل واستمتعت وانا اسويها.. وتعليم تيريزا مميز
هالوردة من اللي تسوينها كااامله كانها شريطة وبعدين تجمعينها سوا
شغلها سهل بس تابعي تيريزا قبل تشتغلين بعدين اشتغلي معاها خطوة بخطوة
هنا اول زهرة سويتها ولها طبقات..
شغلها سهل واستمتعت وانا اسويها.. وتعليم تيريزا مميز
هالوردة من اللي تسوينها كااامله كانها شريطة وبعدين تجمعينها سوا
شغلها سهل بس تابعي تيريزا قبل تشتغلين بعدين اشتغلي معاها خطوة بخطوة
-----
نصيحة من مجرب:
*التعلم من الفيديو هو افضل طريقة لتعلم الغرز، وبعدها نتخلى عن الفيديو ونشتغل على الباترونات
وراح اشرح طريقة التعرف على الغرز وفهمها في الدرس الجاي مع فيديوهات لغرز مهمة
*اذا حابة تتعلمين وخايفة يكون شغلك غلط او اشتغلتي وطلع غلط ومو فاهمه وين اخطيتي تقدرين تحطين رابط لصورة شغلك وبساعدك ان شاء الله
